ലഡാക്കിലെ തുര്ട്ടുക് സെക്ടറിലാണ് സംഭവം. 26 സൈനികരുമായി സഞ്ചരിച്ചിരുന്ന വാഹനമാണ് അപകടത്തില്പ്പെട്ടത്. നിയന്ത്രണം നഷ്ടപ്പെട്ട വാഹനം നദിയില് മറിയുകയായിരുന്നു. റോഡില് വാഹനം തെന്നിയതിനെ തുടര്ന്നാണ് നിയന്ത്രണം നഷ്ടപ്പെട്ടതെന്നാണ് റിപ്പോര്ട്ടുകള്.
60 അടി താഴ്ചയിലേക്കാണ് മറിഞ്ഞത്. പര്താപൂരില് നിന്ന് ഫോര്വേഡ് ലൊക്കേഷനായ സബ് സെക്ടര് ഹനീഫിലേക്ക് പോകുമ്ബോഴാണ് അപകടം ഉണ്ടായത്.
അപകടത്തില്പ്പെട്ട 26 പേരെയും സൈനിക ആശുപത്രിയില് എത്തിച്ചെങ്കിലും ഏഴുപേരുടെ ജീവന് രക്ഷിക്കാന് സാധിച്ചില്ല. പരിക്കേറ്റവര്ക്ക് മെച്ചപ്പെട്ട ചികിത്സ ഉറപ്പാക്കുമെന്ന് കരസേന അറിയിച്ചു. ഗുരുതരമായി പരിക്കേറ്റവരെ വിദഗ്ധ ചികിത്സയ്ക്കായി വ്യോമസേന വിമാനത്തില് വെസ്റ്റേണ് കമാന്ഡിലേക്ക് കൊണ്ടുപോകുമെന്നും കരസേന അറിയിച്ചു.
0 Comments