ബെന്‍സീമ ഇത്തിഹാദിലേക്ക്, കരാര്‍ ഒപ്പുവെച്ചു, 2025വരെ സൗദിയില്‍

സൗദി അറേബ്യൻ ചാമ്ബ്യന്മാരായ അല്‍ ഇത്തിഹാദ് കരീം ബെൻസീമയുടെ സൗനിംഗ് പൂര്‍ത്തിയാക്കുന്നു. താരം കരാറിന്റെ പ്രാഥമിക ഭാഗം ഒപ്പുവെച്ചു കഴിഞ്ഞതായി ഫബ്രിസിയോ റൊമാനോ റിപ്പോര്‍ട്ട് ചെയ്യുന്നു.കഴിഞ്ഞ ദിവസം ബെൻസീമ താരം റയല്‍ മാഡ്രിഡ് വിടുകയാണ് എന്ന് പ്രഖ്യാപിച്ചിരുന്നു. ബെൻസീമ ഇപ്പോള്‍ 2025വരെയുള്ള കരാര്‍ ആകും ഇത്തിഹാദില്‍ ഒപ്പുവെക്കുക.

100 മില്യണ്‍ യൂറോ വേതനമായി താരത്തിന് ലഭിക്കും. ഇതുകൂടാതെ ഇമേജ് റൈറ്റ്സും മറ്റുമായി ബെൻസീമക്ക് 200 മില്യണ്‍ യൂറോയോളം അവിടെ വര്‍ഷത്തില്‍ ലഭിക്കും. കൂടാതെ ബെൻസീമ സൗദി അറേബ്യയുടെ 2030 ലോകകപ്പ് ബിഡിന്റെ അംബാസിഡര്‍ കൂടെ ആയിരിക്കും. ബെൻസീമ അടുത്ത ദിവസം റയല്‍ മാഡ്രിഡിനോട് ഔദ്യോഗികമായി യാത്ര പറയും. പിന്നാലെ സൗദിയിലേക്ക് യാത്ര തിരിക്കും.

ബുധനാഴ്ച വലിയ ഒരു ചടങ്ങിലൂടെ ബെൻസീമയുടെ സൈനിംഗ് പ്രഖ്യാപിക്കാൻ ആണ് ഇത്തിഹാദ് പദ്ധതിയിടുന്നത്. ഈ സീസണില്‍ റൊണാള്‍ഡോയുടെ അല്‍ നസറിനെ മറികടന്ന് സൗദി പ്രൊ ലീഗ് നേടാൻ ഇത്തിഹാദിനായിരുന്നു.