ശനിയാഴ്ച നടന്ന പോളിങ്ങിനിടെ വ്യാപക അക്രമങ്ങള് അരങ്ങേറിയതിനെത്തുടര്ന്നാണ് ഇന്നലെ 19 ജില്ലകളിലെ 697 ബൂത്തുകളില് റിപ്പോളിങ് നടന്നത്. സുരക്ഷ ഉറപ്പ് വരുത്താൻ ഓരോ ബൂത്തിലും ബംഗാള് പൊലീസിന് പുറമേ നാല് കേന്ദ്രസേനാംഗങ്ങളെ വീതം വിന്യസിച്ചിരുന്നു. പുര്ബ മേദിനിപുരിലെ തംലുകില് തൃണമൂല് കോണ്ഗ്രസ് - ബി.ജെ.പി സംഘര്ഷമുണ്ടായി കൂച്ച് ബിഹാറിലും സംഘര്ഷമുണ്ടായി.
73,887 സീറ്റുകളിലേക്ക് നടന്ന തെരഞ്ഞെടുപ്പില് രണ്ട് ലക്ഷത്തിലേറെ സ്ഥാനാര്ഥികളാണ് മത്സരിച്ചത്.തൃണമൂല് കോണ്ഗ്രസും ബിജെപിയും തമ്മിലാണ് പ്രധാനമല്സരം നടന്നത്.സര്വ്വേ ഫലങ്ങളില് എല്ലാം തൃണമൂല് കോണ്ഗ്രസ് വൻ വിജയം നേടുമെന്നാണ് .അതെ സമയം കൃഷ്ണനഗറില് ഈ മാസം 4ന് കാണാതായ ബി.ജെ.പി പ്രവര്ത്തകനെ കൊല്ലപ്പെട്ടനിലയില് കണ്ടെത്തി. ടിഎംസി ഗുണ്ടകള് തട്ടിക്കൊണ്ടുപോയി കൊലപ്പെടുത്തിയതെന്നാണ് ബി.ജെ.പിയുടെ ആരോപണം. പലയിടങ്ങളിലും വോട്ടര്മാരെ ടി.എം.സി പ്രവര്ത്തകര് ഭീഷണിപ്പെടുത്തിയെന്നും ബി.ജെ.പി ആരോപിക്കുന്നു . പശ്ചിമ ബംഗാള് സന്ദര്ശിച്ച് റിപ്പോര്ട്ട് നല്കുന്നതിനായി മുന്കേന്ദ്രമന്ത്രി രവിശങ്കര് പ്രസാദ് കണ്വീനറായി നാലംഗ വസ്തുതാ അന്വേഷണ സമിതിയെ ബി.ജെ.പി ദേശീയ നേതൃത്വം നിയോഗിച്ചിട്ടുണ്ട് . ബി.ജെ.പി ദേശീയ അധ്യക്ഷൻ ജെ.പി നദ്ദയ്ക്ക് സമിതി റിപ്പോര്ട്ട് നല്കും.
0 Comments