തിരുവനന്തപുരം: കെഎസ്ആർടിസിയുടെ പ്രിയദർശിനി പദ്ധതിക്ക് നാളെ 100 ദിവസം പൂർത്തിയാകും. ഇതിന്റെ ഭാഗമായി സംസ്ഥാനത്തെ എല്ലാ കെഎസ്ആർടിസി ഡിപ്പോകളിലും വനിതകള്ക്ക് സാരി വിതരണം ചെയ്യും.രാവിലെ 10ന് തിരുവനന്തപുരം തമ്പാനൂർ കെഎസ്ആർടിസി ടെർമിനലില് നടക്കുന്ന ചടങ്ങില് മന്ത്രി സി.പി. ജോണ് സാരി വിതരണത്തിന്റെ ഉദ്ഘാടനം നിർവഹിക്കും.പ്രിയദർശിനി പദ്ധതി ആരംഭിച്ച് നൂറ് ദിവസം പൂർത്തിയാകുന്ന സാഹചര്യത്തിലാണ് പ്രത്യേക പരിപാടി സംഘടിപ്പിക്കുന്നത്. പദ്ധതിയുടെ ഭാഗമായി വനിതാ ജീവനക്കാർക്കും യാത്രക്കാരുമായി ബന്ധപ്പെട്ട സേവന മേഖലയിലെ വനിതകള്ക്കും സാരി വിതരണം ചെയ്യുന്നതിനാണ് തീരുമാനം.പ്രിയദർശിനി പദ്ധതി മികച്ച രീതിയില് മുന്നോട്ടുപോകുകയാണെന്ന് മന്ത്രി സി.പി. ജോണ് പറഞ്ഞു. നിലവില് ഓർഡിനറി ബസുകളില് മാത്രമാണ് പദ്ധതി നടപ്പാക്കുന്നത്. ഈ രീതിയില് തന്നെ പദ്ധതി തുടരാനാണ് തീരുമാനമെന്നും മന്ത്രി വ്യക്തമാക്കി.
0 Comments