'മാര്ച്ച് 26ന് ഞായറാഴ്ച, സ്റ്റാംഫോഡ് ബ്രിജ് സ്റ്റേഡിയത്തിന് സമീപം ചെല്സി ഫൗണ്ടേഷന് തുറന്ന ഇഫ്താര് സംഘടിപ്പിക്കുന്നു. പ്രീമിയര് ലീഗ് സ്റ്റേഡിയത്തില് ഒരു ക്ലബ് ഒരുക്കുന്ന ആദ്യത്തെ നോമ്ബുതുറയാണിത്'- തിങ്കളാഴ്ച പുറത്തിറക്കിയ പ്രസ്താവനയില് ലണ്ടന് ക്ലബ് അറിയിച്ചു.
ക്ലബ് ഭാരവാഹികള്, ആരാധകര്, സ്കൂള് വിദ്യാര്ത്ഥികള്, പ്രാദേശിക പള്ളി ഭാരവാഹികള്, ചെല്സിയുടെ മുസ്ലിം കൂട്ടായ്മയിലെ അംഗങ്ങള് എന്നിവരെ ഇഫ്താറിലേക്ക് ക്ഷണിക്കുമെന്ന് പ്രസ്താവനയില് പറയുന്നു. ചാരിറ്റി സംഘടനയായ റമദാന് ടെന്റ് പ്രൊജക്ടുമായി സഹകരിച്ചാകും ഇഫ്താര്.
സ്റ്റാംഫോഡ് ബ്രിജില് തുറന്ന ഇഫ്താര് സംഘടിപ്പിക്കുന്നതില് സന്തോഷമുണ്ട്. ഫുട്ബോളില് വൈവിധ്യം പ്രോത്സാഹിപ്പിക്കുന്ന ക്ലബാണ് ചെല്സി. നോ ഹെയ്റ്റ് കാംപയ്നാണ് റമദാനില് ക്ലബ് ആഗ്രഹിക്കുന്നത്. മത സഹിഷ്ണുതയെ പ്രോത്സാഹിപ്പിക്കുന്നത് ക്യാംപയിനിന്റെ മുഖ്യലക്ഷ്യമാണ്. മറ്റു മതാഘോഷങ്ങളും ഈ കലണ്ടര് വര്ഷം ആഘോഷിക്കും- പ്രസ്താവന വ്യക്തമാക്കി.
മാര്ച്ച് 26ലെ പരിപാടിയിലേക്ക് എല്ലാവരെയും ക്ഷണിക്കുന്നതായി ചെല്സി ഫൗണ്ടേഷന് മേധാവി സൈമണ് ടൈലര് പറഞ്ഞു. മതസഹിഷ്ണുത ഉറപ്പുവരുത്തുന്നതിന്റെ ഭാഗമായാണ് റമദാനെയും മുസ്ലിം സമുദായത്തെയും അംഗീകരിച്ച് പരിപാടി നടത്തുന്നതെന്നും അദ്ദേഹം കൂട്ടിച്ചേര്ത്തു.
അതിനിടെ, ലോകത്തെ ഏറ്റവും കടുപ്പമേറിയ ലീഗില് ഇതുവരെ ചെല്സിക്ക് ഫോമിലേക്ക് ഉയരാനായിട്ടില്ല. 26 കളികളില് 37 പോയിന്റുമായി പോയിന്റ് പട്ടികയില് പത്താമതാണ് ക്ലബ്. 27 കളില് 66 പോയിന്റുമായി ആഴ്സണലാണ് ഒന്നാം സ്ഥാനത്ത്. ഇത്രയും കളിയില്നിന്ന് 61 പോയിന്റുമായി മാഞ്ചസ്റ്റര് സിറ്റി രണ്ടാമതും.
0 Comments