കുറ്റകൃത്യത്തില് നേരിട്ട് പങ്കെടുത്ത രണ്ടാം പ്രതി സജില്, മൂന്നാം പ്രതി നാസര് അഞ്ചാം പ്രതി നജീബ് എന്നിവര്ക്കെതിരെ ഭീകരപ്രവര്ത്തനം ഉള്പ്പെടെ ചുമത്തിയ എല്ലാ കുറ്റങ്ങളും തെളിഞ്ഞതായി കോടതി ഇന്നലെ വ്യകതമാക്കിയിരുന്നു .ഒൻപതാം പ്രതി നൗഷാദ്, പതിനൊന്നാം പ്രതി മൊയ്തീൻ കുഞ്ഞ്, പന്ത്രണ്ടാം പ്രതി അയൂബ് എന്നിവര്ക്കെതിരെ തെളിവ് മറച്ചുവെക്കല് ,പ്രതികളെ ഒളിവില് കഴിയാൻ സഹായിക്കല് എന്നീ കുറ്റങ്ങളാണ് ഉള്ളത്. പ്രതികളായ ഷെഫീഖ്, അസീസ്, സുബൈര്, മുഹമ്മദ് റാഫി . മൻസൂര് തെളിവുകളുടെ അഭാവത്തില് കോടതി വെറുതെ വിട്ടു. പ്രൊഫസര് ടിജെ ജോസഫിന്റെ കൈ വെട്ടിയ ഒന്നാം പ്രതി സവാദ് ഇപ്പോഴും ഒളിവിലാണ്.2010 മാര്ച്ച് 23ന് തൊടുപുഴ ന്യൂമാൻ കോളജിലെ രണ്ടാം സെമസ്റ്റര് ബികോം മലയാളം ഇന്റേണല് പരീക്ഷയുടെ ചോദ്യപേപ്പറില് മതനിന്ദയുണ്ടെന്നാരോപിച്ചാണ് പ്രൊഫസര് ടിജെ ജോസഫിന്റെ കൈവെട്ടിയത്. ഈ കേസിലാണ് രണ്ടാംഘട്ട വിചാരണ പൂര്ത്തിയായത്. സംഭവത്തിനു ശേഷം വര്ഷങ്ങളോളം ഒളിവില് കഴിഞ്ഞ പ്രതികളെ പലപ്പോഴായി അറസ്റ്റ് ചെയ്തിരുന്നു. ഇവര്ക്കെതിരെ വേവ്വേറെ കുറ്റപത്രം സമര്പ്പിച്ചാണ് എൻഐഎ വിചാരണ പൂര്ത്തിയാക്കിയത്.
0 Comments